Xogando e reciclando en Educación Física

 Reciclar en Educación Física? Por suposto! Cun pouco de imaxinación, calquera cousa que estabamos a punto de tirar, pode convertirse nun xogo. Mirade que ben o pasan estes nenos con tapóns, botes de suavizante, etc...

Máis xogos sen xoguetes

  Seguimos aprendendo xogos para os que non necesitamos ningún xoguete. Simplemente debuxando mans e pes en papeis ou cartóns que xa non nos servan, e coloreándoos ben bonitos, podemos divertirnos moitísimo. Juanjo e Sabela móstrannnos como se xoga. Fixádevos que ben o pasan! 

Un armario de xoguete

  Os vosos bonecos teñen moitos vestidos e queredes telos ordenadiños? Pois atendede ben a esta estupenda idea que nos trae Felicita para facer un armario. E todo con materiais de refugallo que seguro que tedes! Xa quixeramos un tan bonito na casa!

Máquina de sumar

 Hoxe Daniela preséntanos un invento para aprender a sumar no que se unen as matemáticas, a plástica e a reciclaxe. Prestou moita atención na clase e despois, cunha caixa de cartón e dúas botellas de plástico, construiu a máquina de sumar ela soíña na casa.

 Déixovos coa súa clase de hoxe! Aprenderedes e divertirédesvos a un tempo. Asegúrovolo!

 

RedutiliNadal 2020

  Chegou o último mes do ano. Foi un ano complicado, pero non por iso imos deixar de celebrar as cousas boas. E, coma sempre, as celebracións no Mato van unidas á reciclaxe. Os adornos deste ano son completamente redutiliciclados. Cando vaiades pola rúa, fixádevos, pois ídelos atopar...

 Bo Nadal e que o 2021 traia moita saúde e alegrías! 

 

 

Sorpresa !!!

  Decembro é un mes máxico para os nen@s, cheo de sorpresas e ilusións. E para comezalo como se merece, Felicita, de 1º A, e a súa familia, queren compartir con todos nós esta divertida obriña de teatro que fixeron con monicreques elaborados con calcetíns. Preparádevos para a función, e, despois, a buscar un calcetín e mans á obra!

Reciclaxe 2020

  Despois de 6 complicados meses voltamos ás aulas con moitas medidas para intentar frenar o avance do coronavirus. Entre elas está a desinfección de todos os materiais que tocamos e tirar ao lixo, en contedores con tapa e pedal, todo o que sexa susceptible de estar contaminado. Polo tanto, a reciclaxe nas aulas ten que pasar a un segundo plano durante un tempo. Pero o planeta necesita máis ca nunca que reciclemos, sobre todo agora que precisamos usar tantos plásticos e mascarillas desbotables. Os nen@s do Mato Vizoso están máis que concienciados, por eso seguen reciclando nas súas casas. Felicita, de 1° A, fixo uns orixinais e preciosos testos para plantas con caixas e botes de patacas fritidas. Que máis estades a facer vós?