Decorando con refugallo

Este ano decidimos decorar o colexio polo Nadal utilizando material de refugallo.

Escollimos como temática as campás que dan o comezo do Ano Novo.

Conseguimos involucrar ás familias e conseguir deseños tan chulos coma estas!

Temos a sorte de contar cuns compañeiros e compañeiras marabillosos, fixádevos que manualidades fixeron co seu alumnado.

Reciclar mola!

Ecopatrulla

Este curso decidimos comezar coa Ecopatrulla cos nenos e nenas de 4º curso. Aínda que non empezarán a patrullar ata despois de Nadal.

Sogama ofreceuse a darnos unhas charlas informativas e aquí nos podes ver moi atentos ás explicacións.

Plantando as nogueiras

E por último, os nenos e nenas de 2º A fixeron o vídeo de como xerminar unha noz para ter unha fermosa nogueira.

Plantando os carballos

Agora é a quenda dos nenos e nenas de 5ºA. Neste vídeo poderedes ver como sementar unha landra e ter garantías de que xermine.

Comezamos ca plantación

Unha das propostas do noso proxecto era comezar co horto escolar pero debido ao sucedido no mes de outubro, decidimos aplazalo e este ano adicalo a axudar aos concellos que sufriron os incendios.

Por iso comezamos coa plantación de especies autóctonas.

Aquí podedes ver o titorial que fixeron os nenos e nenas da clase de 2º B para plantar unha castaña e ter garantías de que xermine.

Saímos no xornal

Somos noticia!

Esta semana saímos no xornal El Progreso. Aquí podedes ver a nova

Compromiso co planeta

Chegou ata nós este vídeo que nos fixo reformularnos varias cousas (preme na imaxe)

Moitas veces utilizamos toalliñas húmidas para nos limpar mellor e facémoslle caso ao que pón no envase: "biodegradable", "pódese tirar no wc"... Que enganad@s estabamos!

Cremos que o vídeo nos aclara bastante as cousas. Só tirar ao wc o papel hixiénico, o resto de toalliñas deben ir á papeleira e na medida que sexa posible, reducir o seu uso.

Imaxinade o que pasaría se non cumprisemos isto... En Valencia, Donostia ou Londres xa o saben.

Comenta isto á túa familia e así contribuiredes ao coidado do planeta.

XUNTOS PODEMOS MELLORAR!

Coidando os nosos bosques

Desde o equipo de Redutiliciclar decidimos axudar aos nosos bosques danados polos incendios dos últimos días.

Cervantes, Lugo.

Vilardevós, Ourense.

Chandebrito, Pontevedra.

Faremos un sementeiro de árbores autóctonas (carballos, castiñeiros e nogueiras). Coidarémolas ata que os montes dos concellos afectados estean preparados para ser replantados

Reutilizando no Magosto

Benvida!

Estamos encantad@s e che@s de ilusión de dicirvos que este ano desde o CEIP Mato Vizoso, lanzamos o proxecto "REDUTILICICLAR" dentro do plan "Recíclate con SOGAMA".

O nome do noso proxecto inclúe os tres erres:

• Reducir.
• Reutilizar.
• Reciclar.

Traballaremos con isto todo o curso e faremos un sinfín de actividades para concienciarnos de que a nosa contorna importa e é necesario coidala con pequenos xestos diarios.

Agardamos a vosa colaboración!